Hos 13 | ZomZIV | STEP | Ephraim a pau ciangin mite ling uh hi; Israel ah amah kitawisang hi. Ahi hangin amah in Baal a biakna hangin khiala a si hi.

jPs 50:22

k 2Ku 17:4

l Hos 8:4

m 1Ku 14:10; Hos 10:7

q1Cor 15:55*

Hosea 13

Israel Tunga TOPA Hehna

1 Ephraim a pau ciangin mite ling uh hi; ^a
Israel ah amah kitawisang hi.
Ahi hangin amah in Baal a biakna hangin khiala a si hi.
2 Tu-in amaute in mawhna a bawl thuahthuah uh hi;
amau ngun panin amau mah in milimte bawl uh a, ^b
piltakin limsuaite zem uh hi;
tuate khempeuh khutsiamte bawl ahi hi.
Tua pen hih mite tungah,
“Amaute in mihing biakna-in pia uh a,
bawngno limte a nam ^{▼▼13.2 Ahikeh biakna pia mite in / tawp} uh hi,” ci-in kigen hi.
3 Tua ahi ciangin amaute zingsang meiilum bang ding uh a,
a mangthang zingsang dainom bangin, ^d
ancilna pana ansi kizap leng bang ding uh a,
tawhlet pana meikhu suakkhia a bang ding uh hi. ^e
4 “Ahi hangin Egypt panin
hong paikhiatpih ^{▼▼13.4 Ahikeh Na om na panun hong paikhiatpih}TOPA note Pasian ka hi hi. ^g
Note in keimah longal Pasian dang na nei kei ding uh a, ^h
kei mah longal Honpa dang na nei kei ding uh hi.
5 Kei mah in sehnel-gam nisa hong katna ah
nang kong kem hi.
6 Amaute ka vak ciangin gilvah uh hi;
amaute a gilvah uh ciangin kiphasak uh hi;
tua ciangin kei hong mangngilh uh hi.
7 Tua ahi ciangin amaute tungah humpinelkai bang le gialbem bangin ka pai dinga,
lam gei-ah ka pang ding hi.
8 A no kilaksak vompi bangin ⁱ
amaute ka sim dinga, ka balkham ding hi.
Humpinelkai bangin amaute ka valh dinga;
gamsa gilo khat in amaute a balnen ding hi. ^j
9 “Israel aw, nang hong huhpa
keima langah pang na hi manin nang hong kisusia hi.
10 Nang hong hon thei dingin na kumpipa koi-ah om ahi hiam? ^k
Na khuapi khempeuh ua ukpite,
“Kumpi khat le thukhente kei hong pia in,” ^l
na cihte uh koi-ah om ahi hiam?
11 Tua ciangin ka heh suakin kumpi khat kong pia-a,
thangpaisa-in amah ka lakhiamang hi. ^m
12 Ephraim khialhna kikhol khawma,
ama mawhnate kiciamteh hi.
13 Ama tungah numei nausuah nat bangin tunga,
ahi hangin amah pilna a nei lo naupang khat ahi hi;
a hunin a tut ciangin
naubu kihong napi a paikhia kei hi.
14 “Hankhuk ^{▼▼13.14 Hebrew ah Sheol} vangliatna panin amaute tatna sum ka pia ding hi;
sihna panin amaute ka tankhia ding hi. ^o
Sihna aw, na gimna koi-ah om hiam?
Hankhuk ^{▼▼13.14 Hebrew ah Sheol} aw, na siatsakna koi-ah om hiam? ^q
15 “Ama sanggamte lakah a khanpha pen zawzen zongin
ka khuatuah kei ding hi.
TOPA kiang panin nisuahna huih khat hong pai-in, ^r
sehnel-gam panin mut ding hi;
a tuinak kangin
a tuikhuk keucip ding hi. ^s
Ama vankholna inn kiluhin a goute khempeuh
kisutmang ding hi. ^t
16 Samaria mite in Pasian langah lehdo uh ahi manin ^u
amau khialhna thuak ding uh hi. ^v
Amaute namsau in puk ding uh hi;
a ta ngekte uh leilak kidenna-in,
a numei gaite uh kikuikham ding hi” ci hi. ^w